برهانيات كوم
قضيب البان وهارون الرشيد إتناقشوا فى موضوع، كان هو زاهد جه ما بين الرصافة والجسر، لقى ضَلالية كده ورقد نام، هارون الرشيد عنده أصناف المأكولات ما قدر ياكل، ده فتش البوقجة بتاعه لقى ليه شوية عيش وهناى بتاع زباله رشّاه بمزيه الإبريق، داب ما يتبلّ العيش هو يتوضا، نفل الركعات تمام، صلى الظهر تمام وبعدين نفل تمام، عمل الباقيات الصالحات تمام، بعدين طبعاً العيش إتبل، جاب شوية، شوية دُقة كمان من العلبة، أكل بيه العيش رقد نام تانى، هارون الرشيد زعل من العملية دى، ليه الواحد يكون فايق كده وبعدين قال للعساكر بتوعينه لّمن يصحى جيبوه، ساقوه جابوه عنده، فضل يسأله، إيه الموضوع الفلانى وإيه الموضوع الفلانى وإنت فايق ليه ما بتهتم بأمرك ولا بأمر المسلمين، ولا ولا ولا، فضل يحكى، كل ما يسأل يرده، كل ما يسأل يرده، كل ما يسأل يرده، قال له: يا أمير المؤمنين أنا مالى حق أسألك؟ قال له: اتفضل اسأل، قال له: متى يجد النائم لذة النوم، سكت، قال له: فى أوله، قال له: حاجة هو ما دخل فيه يعرف ليه لذة كيف؟ قال له: فى آخره، قال له: حاجة إنصرفت منه يعرف ليه لذة كيف؟ قال له: فى وسطه، قال له: هو مستغرق يعرف ليه لذة كيف؟ قال له: نستفيد منك، قال له: النوم عرض وإزالته لذة، النوم عرض وإزالته لذة، أمير المؤمنين قال له: نعم، قال له: تبارك وتعالى بيقول (وَإِنْ مِنْ أُمَّةٍ إِلَّا خَلَا فِيهَا نَذِيرٌ (24) فاطر) قال له: أيوة، قال له: فمن نذير الكلاب؟ عارف زى المكشكشين، الكلاب بيجروا وراهم بيشيلوا طوب وحجر فى جيوبهم عشان يذبوا بيه الكلاب، بعدين قال له: أنا ما بعرفش، شال له طوبة وضربه فى وشه وقال له: هذا نذير الكلاب وأنت منهم.بعدين لابد من الزواجر، لابد فى الوجود من الزواجر، مش كده؟ مش قال صلى الله عليه وسلم (من مات دون بيعة مات ميتة الجاهلية) حديث للمعلومية.السائل: يعنى إيه؟مولانا الشيخ: يعنى لازم يكون عندكم خليفة، خليفة مافى يكون فيه قاضى، قاضى مافى يكون عمدة، عمدة مافى يكون شيخ بلد، لمن البلد يكون مطلوق، اللى مات كده بيموت جاهل (من مات دون بيعة) ..... الإخوان المسلمين، (من مات دون بيعة مات ميتة الجاهلية) فلابد من الحاكم، ضرورى جداً.
