برهانيات كوم
السائل: طيب المجاذيب فى بعض البلاد مش باينين فيها فيها وبعض البلاد باينين فيها؟مولانا الشيخ: مش ممكن أرض يقف أبجأ إلا فيه المجاذيب، ولو لندن، ولو الأمريكان.السائل: يعنى فى مكانات الأولياء وفيها المقامات بيكونوا المجاذيب ظاهرين؟مولانا الشيخ: أيوة ما تقدر تعرفهم.السائل: مش ظاهرين؟مولانا الشيخ: الأرض مايقفش إذا هم مافيشين، الأرض، الأرض ده مابتقف إذا هم مافيش.السائل: تكون علامتهم شنو يا عم الشيخ، هنا ظاهرين طبعاً؟مولانا الشيخ: تلقاه يعمل فارغ، مثلاً فُلّه بتاع بيرة، يشوط فيه ويمشى يصفر، ويشوط فى الكورة ده وهناى، يعنى يعملوا غير شغل الناس، شرطهم لازم يعملوا غير شغل الناس، وبعربى، بإنجليزى، بفرنساوى، بزى ما يتفق زى بعضه، وأصلاً هو ما كان بيصلى ما تقدر تعرفه إنه بيصلى والا بيذكر والا بيعمل أى حاجة.السائل: لكن يا مولانا فى بلاد المسيحين فيه أشكال زى ده، فى كل البلاد فيها؟مولانا الشيخ: أيوة.السائل: لكن هم بلادهم مسيحية وما يعرفش الإسلام ولا حاجة؟مولانا الشيخ: أيوة.السائل: هو مسيحى برضه بالطريقة دى؟مولانا الشيخ: أيوة، لا مامسيحى، مسلم، كيف يبقى ولى بقى، يبقى مسلم.السائل: لكن برضه الأشكال دى فيه فى أمركيا وأوروبا؟مولانا الشيخ: فى أى بلد إذا، بقول ليكم حاجة صغيرة، الأرض ما تقف إذا ما يكون فيه الأولياء ديل.السائل: يكون نشأ من وسط المسيحية ومسيحى؟مولانا الشيخ: أيوة، زى بعضه، ما قلت ليك بيتلقى ببلاش، ما زى المجاذيب عندنا، شفت عطبرة وأبو حمد، مد البصر رمل ولاّ لا؟ كثير زى الرملة بتاعت عطبرة وأبو حمد، الغالى إنما هو السير والسلوك، الغالى خالص خالص قصة السير والسلوك.السائل: أعلى من الجذب، أرقى من الجذب يعتبر؟مولانا الشيخ: بكتير.السائل: فيه واحد زمان يا عم الشيخ اسمه عبدالرحمن، عبد الشناقيط، بيقولوا ليه عبدالرحمن عبد الشناقيط، بيتكلم انجليزى، فرنساوى، بيشرب خمرة، ده شنو كان؟مولانا الشيخ: أيوة ماله على كيفه، ولاّ تقصد كونه بيتكلم لغات كتيرة.السائل: بيتكلم لغة انجليزية فرنساوية؟مولانا الشيخ: كونه بيتكلم لغات كتيرة؟السائل: أيوة؟مولانا الشيخ: ولا حاجة ده، قول لى ليه؟ قول لى ليه؟
