برهانيات كوم
السائل: لكن الحكمة وراء هذا الإلهام للمجاذيب لازم فيه سر؟مولانا الشيخ: ما خدامين للأمة، خدّامين للصنف البشرى. لا مش فيه خدمة، لّمن عاوزين يروجوا حاجة، مثلاً، لّمن عاوزين يروجوا الخمرة، عاوزين يروجوا السفاهات، هم بيشربوا خمرة بيشربوا مريسة بعدين كل الناس يشربوا زيّهم.السائل: طيب ليه يروجوها ليه؟مولانا الشيخ: ما أمر عندهم، مالا يعصون الله ما أمرهم، خطاب عام لكل الأرواح.السائل: سبحان الله، ربنا يريد يفتن بلد مثلاً، فهم تظهر فيهم العلامة، سبحان الله، أول حاجة، وإيه إشكالهم مع السالكين دايماً يصير مشاكل؟مولانا الشيخ: لا مافى، إلا فى الزمن البطال، فى الزمن البطال هم بيحسدوا السالكين، وهم عادة بيتفقوا مع السالك العوير، السالك الغبى، بيتفقوا مع مين؟ مع السالك الغبى، اللى ما بيعرف حاجة، وبرضه ده خدمة، نفس العملية ده برضها خدمة مش، مش ساكت أونطة، أقول لكم مثل، لو قدرنا يا توفيق، ظاهر؟ إنت شايل تقريباً خمسين ستين ألف جنيه، من دكانك أو من بيتك موديهم البنك، مش فلوس كتيرة؟ إذا لقيت ليك جنيه فى السكة مش راح تشيله؟ ليه ما إنت عندك فلوس كتير تشيله ليه؟ جنيه مش راح يعمل ليك حاجة، جنيه بالنسبة لستين ألف يعمل أيه؟ ما يعملش حاجة، تعرف بنشيله عشان إيه؟ عشان بنعرف عزة القروش ده، أما ما محتاجين ليه، واضح كده؟ يا إخوانا دغرى.السائل (معلقاً): واضح جداً ...مولانا الشيخ: لّمن نقول زيد من الناس عنده طريقة أو ما عنده طريقة بيعمل عبادات، يا ولى عنده طريقة أو قول ما عنده طريقة، لكنه بيعمل عبادات، العبادات ده بيعمل ليه نور فى قلبه، النور اللى فى قلب المريد، اللى ما سالك صح ده، زى الجنيه اللى واقع فى الأرض، مجذوب فايت يشيله، وأنتم بتشوفوا ده ذنب، بينما ده خدمة، عشان لمّ يكتر النور يكتر النور راح ينجذب.السائل: يعمل له إيش؟مولانا الشيخ: يشيله.السائل: يشيل النور عنه؟مولانا الشيخ: أه.السائل: سبحان الله؟مولانا الشيخ: سبحان الله عشان إيه؟السائل: بيشيل النور من قلبه خالص؟مولانا الشيخ: أيوة، إنت مش شلت جنيه هسّه امبارح، ما شاله محتاج ليه.السائل (معلقاً): لِعِزِّتُه.مولانا الشيخ: شاله عشان بيعرف عزته وكمان خدم المريد، كمان خدم المريد، علشان لمّ يعمل كل يوم كده، كل يوم كده، النور راح يكتر، بعدين راح يتلحس، يا بقى محمود محمد طه، يا بقى وهابى، يا، يا جَنَّ، يا إتلحس، يا إذا صادفه العناية بيبقى مجذوب.
