برهانيات كوم
حصل السيد الحسن الميرغنى، واحد قال ليه: أنا فقران وتعبان وكده وكده وكده، إتظلّم ليه كتير، قال ليه: جيب ورقة وقلم، جاب ليه ورقة وقلم، كتبت له ألف كده (أ) ألف، زقم الواحد يعنى، قام إشتكى .... حجاب، جاب ليه حجاب كبير، لف الورقة إداه ليه، إستمر زى شهر شهرين، فك الورقة شاف مكتوب فيه (حرف واحد) رقم واحد، عمل ليه دواية، جاب ورق فضل يكتب، يكتب، لَمِن قلد الخط داك بالظبط، عمل جنب الواحد داك واحد، الجنيه انقطع، السيد الحسن بعد كام زمن جاء، لقى الزول تعبان بالفقر، قال له: مالك، قال له: والله أنا تعبان بالفقر كده زكده، قال له: دحين أنا ما إديتك حجاب، قال له: أديتنى، قال له إمشى جيبها، مشى جابها، فكها ......... بيقرا بالباطن، شاف الورقة، لقى الواحد اللى هو جارّه، جرور واحد تانى جنب منه، قال له يا فلان، قال ليه: نعم، قال ليه أنا قلت الله واحد، إنت سويت الله إتنين، فالأعداد بتاع الأولياء بالشكل ده، زى تذاكر المحطات أعداد رسمية، وأصالة البدعة، مفهوم البدعة الوارد فى السنة (من أحدث فى أمرنا هذا) سنة، وبدعة، وبدعة، البدعة كلها منحصرة فى حاجتين، الرباط اللى ربطه النبى حد يقدر يحلّه مافى، الشئ اللى حلاّهُ النبى حد يقدر يربطه مافى، عكس الإتنين، ده اللى ظاهر فى (من أحدث فى أمرنا هذا ما ليس منه) ده البدعة وده عدم البدعة، فالمشايخ رابطين الأعداد، رابطين الأعداد زى ما قلت ليكم زى محطات، شفت محطات يعنى إيه؟ المحطة الفلانية، مش كده؟ زى ما قلت ليكم، عاوزين مثلا نقطع تذكرة، ظاهر؟ من هنا لود مدنى، نقول جنيه، ياهو إذا زودنا خمس قروش راح يودينا بركات، إذا نقصنا خمس قروش راح ينزلنا فى طيبة، لا الزيادة نفع ولا النقصان نفع، الأعداد بتوع المشايخ بالشكل ده، ما يتفق مع الأعداد بتاع الروحانية أبداً، بتاع المشايخ براه، وبتاع الروحانية براه.
