برهانيات كوم / الطريقة البرهانية
12. 2 الحديث عن الوسيلة وقطع الشجرة
السائل (معلقا): شغل لخبطة يا عم الشيخ، هو الضراهم إنه بس فيه كلامهم بس تلقاهم بيختلفوا، يتهجم علي ناس تانيين.سائل آخر: أغرب من كده يا عم الشيخ، في واحد عنده فكرة عن. . . . وهو وهابي بيتكلم عن المذهب الوهابي اللي هو، هو توحيد أصلا، بعدين شوية كده خشيت معاه في نقاش، بعدين قام قال لي ده التوحيد، قال لي أول الصوفية أقروه،. . . . أول الصوفية هو الرسول - صلى الله عليه وسلم - لأنه التصوف ما، ما كالاسم جديد، لكن العمل افتكر من البداية كده، قال لي لكن ده المعني، قال لي تعرف أنت لو قلت لي أولا المذهب ده من منوه؟ ده من سيدنا عمر.مولانا الشيخ: سألت منوه؟السائل (معلقا): لو سألتني من أول مذهبنا ده من منوه؟ ده من سيدنا عمر، مذهبهم ده يعني الوهابية.مولانا الشيخ: ما طبعا، طبعا.السائل (معلقا): قلت له سيدنا عمر دي جبتها من منوه، الحاجة المعروفة إن الوهابية من محمد بن عبد الوهاب، معروف في الدين بتاعكم ده.مولانا الشيخ:. . . ..السائل (معلقا): قال لي ده هو العمل، العمل من المنطق ده، هو بيستند علي إنه سيدنا عمر وقطعه لشجرة الرضوان وكده، والحكاية تكثير القباب بتاعة الأولياء والأشياء دي، مستمد من حكاية قطع سيدنا عمر لشجرة الرضوان لأنه سيدنا عمر مجرد ما شعر بأنه فيه حاجة بتشغل الناس عن عقيدتهم قطع شجرة الرضوان، هي ما أقل يعني من أي قبة بتاعة نبي ولا ولي ولا كده، الحكاية دي بالضبط هو ده تفسير الموقف.مولانا الشيخ: والشجرة فيها شنوه؟ والشجرة فيها فايدة.السائل (معلقا): الشجرة.مولانا الشيخ: قبة الشيخ.السائل (معلقا): لا ما قال التفاف الناس حولها، الرجال يعني.مولانا الشيخ: لا سيدنا عمر ما قطع الشجرة، قطعه ليه؟السائل (معلقا): لأنها وسيلة، اتخذوها الناس وسيلة.مولانا الشيخ: وسيلة لشنوه؟السائل (معلقا): للدعاء والتبرك.مولانا الشيخ: فيه شجرة بتكون وسيلة؟ شجرة السنط مش أفضل من الشجرة دي؟ اللهم أسالك بشجرة السنط تنفع؟ بالطلح ينفع؟ يا عثمان أنت إذا ما عارف كلام زى ده، تقعد تضحك، مش سريع الرد؟السائل (معلقا): والله يا عم الشيخ، أنا بأضحك لأنه الرد هنا سريع، الرد هنا.مولانا الشيخ: الشجرة ما بتكون وسيلة، الوسيلة، الوسيلة، الشجرة ما بس شجرة، في ظله كان الصحابة قاعدين والنبي عليه الصلاة والسلام، طيب كويس، سيدنا عمر ليه ما هده جبل أحد؟ سيدنا أبو بكر والنبي عليه الصلاة والسلام وسيدنا عمر قاعدين فوق جبل أحد، اهتز الجبل النبي ضربه كده، قال له {تأدب يا أحد ما فيك إلا نبي وشهيدان} (1) ما كسرش ده ليه سيدنا عمر؟ {أحد جبل يحبنا ونحبه} (2) ما كسر ده ليه؟ الشجرة شجرة اعتيادية بتاع ربنا، قعدوا يعملوا عملوا البيعة وقام كل واحد فات، ما في حد مدفون محل الشجرة ولا حد منهم جوه الشجرة دخل، وإذا سيدنا عمر قطع الشجرة، إحنا ما طول عمرنا قاعدين نقطع الشجر، وكيف فين الدليل إن الناس اتلفوا حول الشجرة ده؟السائل (معلقا): من آثار النبي يمشوا يتباركوا بيها، هو بيقولوا الناس بيجوا يمشوا يتباركوا بيها.مولانا الشيخ: وين؟ وين؟ وين ده؟ ما في.السائل: فيه يا عم الشيخ حديث أو حاجة عن سيدنا عمر واضحة تكفي، حاجة عن سيدنا عمر واضحة تستل إنه هو كان ذاته يتبارك بآثار الرسول وكده؟مولانا الشيخ: آثار الرسول، طوالي ده، يكفيك من العزة والعظمة توسله بسيدنا العباس، عثمان؟ كديه نسف عشان نسب ليك؟ مش كده بالله؟
