برهانيات كوم / الطريقة البرهانية
12. 4 قصة شيبان الراعي
السائل: يجي واقع زى السيف؟سائل آخر (معلقا): فيه نقطة تحدي هنا من عنده.مولانا الشيخ: آى، هم بيحسدوا من الأولياء، إحنا تعبانين ليه، ليه ديل بقوا أولياء؟ ما يقتدوا بيهم، أولا أسأل، حصل الإمام الشافعي والإمام أحمد ماشيين في القنطرة، القنطرة ده كوبري بتاع فلك، الناس بيعملوه لما الخور يمشي، يفوتوا من فوق منه، ماشيين، الإمام أحمد والإمام الشافعي، الأمام أحمد، شيبان الراعي جاي مباري الخور سايق الغنم بتاعه، شيبان الراعي، راعي هو، سايق الغنم فايت بالخور محل القش، الإمام أحمد قال للإمام الشافعي: الزول ده بيطلع من الصباح بيسوق الغنم ديل، بيجي في المغرب، نخليه يجي في الجامع يتعلم ليه مسألة، مسألتين، الإمام الشافعي قال له: أنا الإنسان ده أري عليه آثار الصوفية، لا تسأله، قال له: نسأله، قال له: أري عليه آثار الصوفية، فلا تأله، 3 مرات، قال له: طيب اسأله، قال له: سلام عليكم، قال له: عليكم السلام، قال له: يا أخينا، قال له: نعم، أنت تسوق الغنم ده من الصباح تطلع في المراعي؟ أيوه، تيجي في الليل؟ أيوه، ما تيجي الجامع تتعلم ليك مسألة، مسألتين من الدين، ينفعوك، قال له: مين قال لك أنا ما عارف؟ قال له: تعرف الصلاة إذا زاد ولا نقص يجبروه كيف؟ قال له: أيوه، قال له: في دينكم إذا كان زاد، تسجد له بعد السلام سجدتين، إذا نقص، تسجد له قبل السلام سجدتين، ده انتوا عندكم، إحنا عندنا القلب اللي غفل عن سيده يقطعوه ويهجروه، قال له: تعرف البهايم ده ذكاتهم كم؟ قال له: باعرف، في الأربعين واحد، عندكم، عندنا العبد وما ملكت يداه لسيده، ده التاريخ اللي وقع، لا يحتاج لهزار ولا جد، يا سنجك زى الزفت، يا مسلمين، ده التاريخ اللي وقع، لا يحتاج لهزار ولا جد، ليه تقتدي يالإمام الشافعي وما تقتديش بشيبان الراعي ليه ما دام العلم لله؟السائل:. . . . يا عم الشيخ.مولانا الشيخ: فتش أنا داير أسف؟ بذمتكم ده صحيح، العلم مش لله؟ يديه للي هو دايره؟ ده شيبان الراعي وده الإمام الشافعي، ليه ما تقتدوش بشيبان الراعي ما دام العلم لله؟ وهو غلب ديل، تقتدي بالإمام الشافعي ليه؟السائل: طيب يا عم الشيخ هسع ما أثبتوه هم ذاتهم الاثنين ديل، الإمام الشافعي والإمام أحمد، هسع ما ثبتوه ديل براهم.مولانا الشيخ: هم ذاتهم؟السائل: وديل ما ثبتوه هسع يا عم الشيخ.مولانا الشيخ: يالا يا عثمان.السائل: طب ليه يا عم الشيخ ديل سيدنا الإمام أحمد كان بيمنعه؟مولانا الشيخ: الإمام أحمد ما تلميذ الإمام الشافعي.السائل: أيوه، يعني مفروض إنه شايفه يا مولانا، يعني الإمام الشافعي هو اللي شافه، الراجل ده عنده آثار الصوفية.مولانا الشيخ: أيوه.السائل (معلقا): برضه له في الدين.مولانا الشيخ: أيوه.السائل: والاتنين أكابر يا عم الشيخ، سيدنا أحمد كبير خالص.مولانا الشيخ: وشيبان الراعي صغير؟السائل: كلهم أكابر.مولانا الشيخ: والعمل إيه يعني؟ ما نقولش.السائل: يعتبر الشافعي شاف.مولانا الشيخ: أنت ما فهمت كلامي اتلهي اتلهي.السائل: هو إيه يا عم الشيخ الحقيقة يقصد إنه ليه الإمام الشافعي عرف الراجل ده والإمام أحمد ما عرف ليه؟مولانا الشيخ: الإمام الشافعي ما عرف، قال أري عليه آثارا لصوفية فلا تسأله، ما أصله طالب العلم بيكون مستبد، قال له: لازم نسأله، قال له: أري عليه، ما سأله، قال له نسأله، قال له: طيب اسأله، انتوا عارفين العلم لله؟ يديه للي هو عايزه؟ قول أيوه، هسه في الدقيقة دي إدي لمين؟ شيبان الراعي، ليه ما تقتدوش بشيبان الراعي تقتدوا بالإمام الشافعي ليه؟السائل: العلم الإلهي يخته محل ما داير.مولانا الشيخ: محل داير.السائل: ده شايله في راسه وديل شايلينه في الورق.مولانا الشيخ: آه.السائل (معلقا): العلم واحد.السائل: ده زي كلام. . . .، يقول علي كيفك يا سيدنا الحسين، ندي المدعي ولي، وندي بتاع الأزهر بالشلوت.سائل آخر: سيدي محيي الدين يا عم الشيخ هو قال: من يعترض علينا لا يهتدي إلينا؟مولانا الشيخ: لا، ده النابلسي:من يعترض علينا لا يهتدي إلينا ... إنا قد استغنينا عن أهل هذا الدارما كلهم زى بعضهم.
