برهانيات كوم / الطريقة البرهانية
س: فيه 50 ألف سنة يوم ألف سنة (وَإِنَّ يَوْمًا عِنْدَ رَبِّكَ كَأَلْفِ سَنَةٍ مِمَّا تَعُدُّونَ)؟
مولانا الشيخ: وفيه أيام غير كده , فيه أيام النواة , فيه أيام الشأن , فيه أيام الله , الأيام أصلها سبعة وإحنا غرضنا فى اليوم بتاع الآخرة بس , وبعدين لما نقول عدينا السنة بالشكل ده (ظاهر)؟ 00 سنة (مائة) راح يكون قرن واحد , 100 قرن (مائة) راح يكون حقب واحد , وتبارك وتعالى بيقول (أَحْقَابًا) يعنى كل ما تنتهى حق تبتدى حق تانى , تنتهى حقب تبتدى حقب تانى , ما عندوش آخر ومافيش آخر (واضح)؟ وبعدين المشايخ بيقولا أصلاً الوجود ثلاثة أصناف:- الوجود العينى: اللى هو دنيانا دى كلها واللى فيها أرضنا وسمائنا وبحرنا وجبالنا له أول وله آخر.- وجود الآخرة: له أول وماعندوش آخر.- وجود ربنا: لا له أول ولا له آخر.فقصة تناسخ الأرواح دى أصالة قصة فلسفية , وبعدين العلماء تكلموا فيه وبحثوه وأخيراً وضحوا أن اللى بيعتمد المذهب ده بيكون قير ربنا جل وعلا وربنا ماممكن يتقيد , وبذلك حكموا عليه بالإلحاد , ليه؟ لحاجة صغيرة , المعنى الأولانية بتوضح إن الأرواح عند ربنا شوية , والأشكال كثيرة , فلذلك الروح بتاع الميت ده بتيجى تدخل فى ده , لكن لو أخذنا بالكلام ده , فيه أنبياء كثيرين ماتوا , نفرض إن روح نبى جاءت ودخلت فى كلب.السائل: لا مؤاخذة يا مولانا , هم بيقولوا أرواح الأنبياء الكمل دى لا تحل فى صورة أخرى؟مولانا الشيخ: لأ ماينفعش , أما أن كله صنف واحد أو كله لأ.السائل: يعنى سيادتكم بتجد تناقض بين الدين وبين نظرية تناسخ الأرواح والواقع إنهم بيهربوا من كلمة التناسخ دى وبيقولوا إن هذا تتناسب مع عدالة الله سبحانه وتعالى لأن الله تعالى خلق عبادة وأمرهم بطاعته , ولن ياتى إنسان إلا وهو مسلم إلى الله سبحانه وتعالى , فكيف يتأتى إسلامه إلا إذا مر بهذا الأطوار جميعها؟ لعله جاء ذمياً ثم جاء كتابياً , ثم جاء مسلماً عاصياً ثم جاء بعد ذلك مسلماً كاملاً , ولا يرجه إلى الدنيا فى آخر الأمر؟مولانا الشيخ: إذا كان هذا الكلام ربنا يحط فى جهنم مين؟السائل: يقولون إن فيه جهنم حالياً , فى كلامهم قالوا فيه جهنم.مولانا الشيخ: الجهنم بتاع الآخرة (نَارًا تَلَظَّى) ده هيدخلوا مين؟السائل: يقولوان إنهم يتعذبون فى عصرهم , عصرهم كان جهنم.مولانا الشيخ: لما نمثل الأرواح المشتركة , راح تدخل فى جسم تانى يسلم وبعدين فى جسم تانى يسلم , وكده وكده , فمافيش حد نقدر ندخله فى جهنم , وتبارك وتعالى يقول (وَقُودُهَا النَّاسُ وَالْحِجَارَةُ) يدخلوا جهنم مين؟ فالمعتمد إيه؟س: هل الإنسان مسير ام مخير؟مولانا الشيخ: القرآن بيقول على سيدنا سليمان (فَامْنُنْ أَوْ أَمْسِكْ بِغَيْرِ حِسَابٍ) وسيدنا إبراهيم بيقول لما رموه فى النار (علمه بحالى يغنى عن سؤالى) , مراتب الدين أربعة ودى مرتب إحسان (التوفيق , التفويض , التوكل , التسليم) التوفيق عند الناس هو الاستعانة , عند الرؤساء , الإنسان عنده أخلاق شيطانية نفسه شريرة , دى فطرته , ربنا طالبه العكس يقول خلق الإنسان هلوعاً , يطالبوه بالصبر من هنا (وَكَانَ الْإِنْسَانُ أَكْثَرَ شَيْءٍ جَدَلًا) يطالبوه بالتسليم من هنا , النبى صلى الله عليه وسلم عايز أخلاق ربنا عز وجل , الصبر على الطلب , الوفيق يعنى توفق أخلاقك بالأخلاق اللى عايزه ربنا , أعلى منه التفويض , ده للناس الكبار , هو ترك التدبير , معناه يكون الإنسان عشمان ربما عند ربنا أكثر من اللى فى إيده , يقول الرؤساء:اتحكم تدبيراً وغيرك حاكم أأنت لأفعال الإله تنازع
