برهانيات كوم / الطريقة البرهانية
(وَإِذِ ابْتَلَى إِبْرَاهِيمَ رَبُّهُ بِكَلِمَاتٍ) والكلمات هو علم الكلام , هو علم التوحيد , والكلمات هى الأسماء الإلهية (فَأَتَمَّهُنَّ) ذكرهم لغاية ما وردهم , وبعدين للفضيلة دى ربنا قال له (إِنِّي جَاعِلُكَ لِلنَّاسِ إِمَامًا) قال الحمد لله , ومن ذريتى يارب؟ قال لا ينال عهدى الظالمون , يعنى اللى ظالم نفسه مايقدرش ينال الكونتراتو اللى بينى وبينك ده , (وَوَصَّى بِهَا إِبْرَاهِيمُ بَنِيهِ) اللى هوا سيدنا يعقوب وسيدنا إسحق , لما نقول بنيه بمعنى أولاده وبس , نقول لا (وَيَعْقُوبُ) ابن ابن الإبن كمان داخل , يابنى لا تموتن إلا وأنتم مسلمون , ده مش الإسلام البدنى , ده إسلام الاستشلام , (إسلام , إيمان , إحسان) فوق كده كون الواحد يبيع نفسه لله , ده اسمه الاستسلام , فكان إسلام سيدنا إبراهيم المرتبة الخامسة , وبعدين عرفنا إن سيدنا إبراهيم كان كمان ذاكر.سيدنا موسى كان ذاكر يقول تبارك وتعالى (قَدْ أَفْلَحَ مَنْ تَزَكَّى) طبعاً التزكية أصناف أصناف:- واحد عاوز يغس هدومه يغسله بالصابون.- واحد عاوز يغسل الوابور يغسله بالجاز.- واحد عاوز يغسل جلد بالقرض.- والروح بيغسلوه بالذكر.تبارك وتعالى فى صريح المصحف بيقول (قَدْ أَفْلَحَ مَنْ تَزَكَّى * وَذَكَرَ اسْمَ رَبِّهِ) طبعاص كل واحد عنده رب , لما نقول لك يا فلان عندك رب؟ راح تقول أيوه , ولما نقول لك ربك مين؟ راح تقول هو الله , فكان الذكر المطلوب هنا هو الاسم الله , فيكون المقصود بالآية دى ذكر الاسم الله (قَدْ أَفْلَحَ مَنْ تَزَكَّى * وَذَكَرَ اسْمَ رَبِّهِ فَصَلَّى * بَلْ تُؤْثِرُونَ الْحَيَاةَ الدُّنْيَا * وَالْآخِرَةُ خَيْرٌ وَأَبْقَى * إِنَّ هَذَا) الشرط ده (لَفِي الصُّحُفِ الْأُولَى) حتى (صُحُفِ إِبْرَاهِيمَ وَمُوسَى) سيدنا إبراهيم فى الأول , حتى فى صحف إبراهيم وموسى , يعنى سيدنا إبراهيم كان صوفى وسيدنا موسى كان كده , كانوا الاثنين ذاكرين.وسيدنا سليمان كان ذكره بسم الله الرحمن الرحيم.وسيدنا نوح كان ذكره بسم اللهإذاً كل الأنبياء والرسل كانوا ذاكرين , مشتغلين بالله.
