برهانيات كوم / الطريقة البرهانية
تانى هنا سر , من سمع الخطاب الإلهى بيعرف نطق كل شئ , سيدنا يعقوب كده , جابوا القميص والديب مكتف وسأل الديب من جوه , إنت أكلت نبى إزاى؟ قال: إزاى , أنت بتهزر يارسول الله عارف إنه نبى والدليل القميس , إفرد القميص , سيدنا بنيامين جاب ميه وبل القميص وفرده وجده سليم.الذئب قال له: أنا ألبس الهدوم؟ مش كان أصوليا ً أشرط القميص؟ قال لهم يا ولاد هو الديب كان عايز القميص سليم , ده معنى قوله (بِدَمٍ كَذِبٍ).أخيراً سيدنا يوسف إشتراه العزيز , قال لمرته زليخة الولد ده ـ وان عقيما لا يلد ـ أحسنى مثواه وأكليه وشربيه , فضل يزداد جمال , إفتتنت به زليخة.بمعنى الدنيا إذا كان مجتهد الدنيا تفتن به , تعمل له مشاكل علشان يبطل أوراده , الشيطان ما يقدر عليه يقوم يسلط عليه الدنيا.فازدادت محبة زليخة به لانه كان رافض , بنات الوزراء سمعوا , قالوا (امْرَأَتُ الْعَزِيزِ تُرَاوِدُ فَتَاهَا عَنْ نَفْسِهِ) سمعت الكلام ده , عزمتهم وحضرت فواكه تقشر بالسكين وقالت لسيدنا يوسف استحمى واتريح وإلبس كويس وخليك جوه لما ننده لك , عندما قالت (اخْرُجْ عَلَيْهِنَّ) وهما ماسكين السكاكين حاضت كلهن وقطعن أيديهن حتى الحامل حاضت لذلك إختلاط الرجال خطر للمحبة , بعد الحب الشديد فضلت تكيده (لَئِنْ لَمْ يَفْعَلْ مَا آمُرُهُ لَيُسْجَنَنَّ) ومره مسكته بشده وهو جميل وهى جميلة , ده يجرى وهى تجرى ... شوية بعدما (هَمَّتْ بِهِ وَهَمَّ بِهَا لَوْلَا أَنْ رَأَى بُرْهَانَ رَبِّهِ) سيدنا يعقوب جه له فى الوارد لان البرهان هو النور القاطع الفاصل , ومفيش فى الأرض له إلا نور سيدنا يعقوب , وجرى , واللى منعه من الاحشة أبوه , وكذلك أى مريد يشوف مره ـ إمرأة ـ جميله لما يتخيل الشيخ ينصرف , وفتح اباب بعد ماشاف أبوه , جرى وجد العزيز على الباب (قَالَتْ مَا جَزَاءُ مَنْ أَرَادَ بِأَهْلِكَ سُوءًا إِلَّا أَنْ يُسْجَنَ أَوْ عَذَابٌ أَلِيمٌ) قا لله أمك وهى اللى ربتك , قال مفيش , وابن أخت زليخة كان عنده سنة واحده راقد فى السرير , قال له إسأل الولد ده , الولد قال (إِنْ كَانَ قَمِيصُهُ قُدَّ مِنْ قُبُلٍ) الآية , الملك شاف القميص قد من الخلف , قال لمراته أحسن خليكى مستورة لان كلام الولد معجزة والقميص مشروط من ورا.والموضوع تانى قال سيدنا يوسف بعد ماشاف أبوه واتكلم الولد (رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ) وزليخة يعنى الدنيا , بعدين دخل السجن 6 سنين بعدد حروف (اذْكُرْنِي) ودخل معاه السجن فتيان , طباخ الملك والسفرجى , قال كل واحد رؤيته , قال للسفرجى لما خرج من السجن (اذْكُرْنِي عِنْدَ رَبِّكَ) غيره إلهية لإنه استنجد بالعزيز , فت الستة السنوات , العزيز شاف رؤيا , جمع الرهبان وغيرهم وسألهم , قال لهم شفت سبع بقرات ميثانة أكلوا السبع بقرات السمان وبعدين سنة كده , كلهم قالوا أضغاث أحلام , قال السفرجى فيه واحد فى السجن يصدق لنا التأويل , راحوا له سألوه (يُوسُفُ أَيُّهَا الصِّدِّيقُ أَفْتِنَا) الآية , قال لهم مين شاف الرؤيا ده؟ قالوا العزيز , البقر يعنى سنة , تزرعوا سبع سنين النحصول كثير جدا ثم سبعة شوية ثم جدب , قال الملك أئتونى به , قال لهم سيدنا يوسف لا , قولوا له (مَا بَالُ النِّسْوَةِ اللَّاتِي قَطَّعْنَ أَيْدِيَهُنَّ) سألهم قالوا كده , سألوا زليخة قالت أنا راودته عن نفسه والآن حصحص الحق , العزيز قال إمشى يا سفرجى قال له تعالى , سيدنا يوسف قال لا , إذا ما عملنى مخزنجى على خزائن الأرض مش طالع أو أروح عند أبويا فى الشام , العزيز قال أنا استخلصته لنفسى.
