برهانيات كوم / الطريقة البرهانية
وبعدين أبونا آدم نزل الأرض , لما جاء الأرض بعضهم قال سبعة أيام وبعضهم قال واحد وأربعين يوم , محتار فى العملية اللى هو عملها , العملية اللى هو عملها مش معصية علشان ده نبى ورسول لكن مش من أولى العزم من الرسل , العملية اللى هو عملها مش معصية ليه؟ ربنا قال (وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ) فكان معصيته نسيان والنسيان مش معصية , قال صلى الله عليه وسلم " رفع عن أمتى ثلاثة الخطأ والنسيان وما استكرهوا عليه " فالنسيان مش معصية , ثم إنها تنفيذا لحكمة ربنا , والإرادة الى ربنا بيكونه من قبل ما يخلق آدم , كاتب فى العرش (إِنِّي جَاعِلٌ فِي الأَرْضِ خَلِيفَةً) فهو مية فى المية لازم بيجى لخلافته فى الأرض , يعنى لو قدرنا إن إبليس كان سجد وآدم ما أكل من الشجرة , وهو كان أصلا مخلوق علشان يبقى فى الأرض , يقعد يعمل إيه هناك بقى؟ شغلته كده , خلقه لكده , ومن حقه إنه ينسى , ليه؟ قال (وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ وَلَمْ نَجِدْ لَهُ عَزْمًا) وأولى العزم من الرسل ما ينسوش , ولكن آدم علشان لم يكن من أولى العزم من الرسل من حقه إنه ينسى ونسى فعلاً , وبعدين نزل الأرض , وقاعد محتار فى عمليته , قال اللهم أنى أسألك وأتوسل إليك بحبيبك محمد صلى الله عليه وسلم إلا ما غفرت لى , نزل سيدنا جبريل قال له ربنا بيقولك كيف عرفت إن حبيبى محمد؟ قال يارب لما نفخت فىَّ الروح , شفت فى العرش مكتوب لا إله إلا الله محمد رسول الله , ولما أمرتنى إلى الجنة ورحت الجنة لقيت مكتوب فى بابها لا إله إلا الله محمد رسول الله , فعلمت إنك أنت ما ضفت إلى إسمك إلا أحب الخلق إليك , فمن كده أنا توسلت به , سيدنا جبريل قال له بيقولك ولولاه ما خلقتك , وبعدين ربنا قال (فَتَلَقَّى آدَمُ مِنْ رَبِّهِ كَلِمَاتٍ فَتَابَ عَلَيْهِ) , الكلمات هى إيه (هُوَ التَّوَّابُ الرَّحِيمُ) طبعاً ده ذكر , فكان أبونا آدم ذاكر.وبعدين (فَتَلَقَّى آدَمُ مِنْ رَبِّهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ) يكون اللى اتقله أبونا آدم (هُوَ التَّوَّابُ الرَّحِيمُ) الأسماء اللى تلقاها آبونا آدم (هُوَ التَّوَّابُ الرَّحِيمُ) وبعدين السيد إبراهيم الدسوقى قال " استغفر الله العظيم هو التواب الرحيم " نفس الأسماء اللى تاب بها على آدم.
