برهانيات كوم
بعد الحالة ده، عرفنا إنه الملايكة ديل كلهم، رسل من الأسماء الإلهية للوجود العينى، عرفنا إنه الملايكة ديل كلهم رسل من الأسماء الإلهية للوجود العينى، خلاص؟ مش كده؟ فهمنا جسدهم من نور النار، ظاهر؟ فيهم الروح، الملائكة الكروبيين الحافين حول العرش مخلوقين من صرف النور، وفيهم الروح، رسول الله صلوات الله وسلامه عليه، هو اللى مخلوق من نور النور بس، ظاهر؟ رسول الله صلوات الله وسلامه عليه هو اللى مخلوق من نور النور، نور إيه؟ نور غيب الأحدية، نور شنو؟ الإيمان مش عنده نور؟ اليقين مش عنده نور؟ الكهارب ما عندها نور؟ اللمض ما عندها نور؟ الإسلام ما ليه نور، المصحف ما ليه نور؟ ياتوا نور؟ الأنوار كتيرة، فكان رسول الله صلوات الله وسلامه عليه مخلوق من نور النور، نور النور ده من وين؟ من غيب الأحدية، فلما كان رسول الله مخلوق من غيب الأحدية، ظاهر؟ إعتبروا، وقال صلى الله عليه وسلم (أنا من نور الله والمؤمنون من رشحات نورى) فكان النبى عليه الصلاة والسلام مخلوق من، من نور النور، نور وين؟ نور غيب الأحدية، عشان كده السيد إبراهيم الدسوقى بيقول (اللهم صل على الذات المحمدية) مش الذات المحمدية اللى كان فى أرض مكة بيهدى الناس، لأ، لّمن كان لطيفة فى الأحدية.
